Configurar o correo electrónico
O dispositivo Eseries de Nokia traballa as mesmas horas que vostede e á mesma
velocidade. Manteña sincronizados o correo electrónico, os contactos e a axenda de
maneira rápida e práctica con conexións de alta velocidade.
É posible que deba introducir a información seguinte ao configurar o correo electrónico:
nome de usuario, tipo de correo electrónico, servidor de correo entrante, porto do
servidor de correo entrante, servidor de correo saínte, porto do servidor de correo
saínte, contrasinal ou punto de acceso.
Primeiros pasos 23
Co asistente de configuración de Correo electrónico pode configurar contas de correo
do traballo, como Microsoft Exchange, ou contas de correo de Internet, como os servizos
de correo de Google. O asistente de configuración admite POP/IMAP e protocolos
ActiveSync.
Se está a configurar o correo electrónico do traballo, consulte os detalles co
departamento de TI. Se está a configurar o correo electrónico de Internet, vexa a páxina
web do fornecedor de servizos para obter máis información.
Para iniciar o asistente de configuración de Correo electrónico:
1 Desprácese ata o asistente de configuración de Correo electrónico na pantalla de
inicio.
2 Introduza o seu enderezo de correo electrónico e o contrasinal. Se o asistente de
configuración non pode configurar automaticamente os seus axustes de correo
electrónico, seleccione o tipo de conta de correo e introduza os axustes
correspondentes.
Consello: Se non configurou a caixa do correo, prema a tecla de correo electrónico para
iniciar o asistente de configuración de Correo electrónico.
Se o dispositivo contén clientes de correo electrónico adicionais, estes amósanse ao
iniciar o asistente de configuración de Correo electrónico.